Kopenhagen Universitetinin alimlərinin yeni araşdırmasına görə, genetika insan ömrünə təsir baxımından əvvəllər düşünüləndən xeyli üstün rol oynayır.
Musavat.com xəbər verir ki, bu barədə "New Voice" məlumat yayıb.
Əvvəllər hesab edilirdi ki, irsiyyət ömrün yalnız 10-30%-ni müəyyən edir. Yeni tədqiqat isə göstərir ki, bu göstərici təxminən 55%-ə çatır. Alimlər bildirirlər ki, yaşlanma sürəti böyük ölçüdə genetik olaraq təyin olunur və həyat tərzi vasitəsilə onu əhəmiyyətli dərəcədə dəyişdirmək mümkün deyil.
Nəticələr əkizlər üzərində aparılan analizlərə əsaslanır.
Araşdırma göstərir ki, xəstəliklər və qəza kimi xarici faktorların yaratdığı ölüm hallarının azalması ilə genlərin ömür uzunluğuna təsiri daha aydın görünür. Belə şəraitdə yaşlanmanın daxili bioloji prosesləri ön plana çıxır.
Tədqiqat həmçinin orqanizmin metabolizmi, koqnitiv funksiyaları və ümumi yaşlanma sürəti ilə bağlı konkret genetik mexanizmlərin öyrənilməsinə marağı artırır.
Musavat.com
