Avropa İttifaqının (Aİ) keçmiş xarici siyasət və təhlükəsizlik məsələləri üzrə ali nümayəndəsi Cozep Borrell (Josep Borrell) dələduzluq işində iştirakı məsələsini şərh etməkdən imtina edib.
Musavat.com xəbər verir ki, Avropa Komissiyasında keçirdiyi brifinqdə Aİ sözçüsü Anita Hipper sadəcə olaraq Avropa Xarici Fəaliyyət Xidmətinin binalarında axtarışlar faktını təsdiqləyib.
Hipper davam edən istintaqa istinad edərək, axtarışların səbəbini və kim tərəfindən aparıldığını açıqlamaqdan imtina edib.
Qeyd edək ki, EEAS-ın üç əməkdaşı gənc diplomatların hazırlanması üçün tenderlə bağlı məxfi məlumatların Avropa Kollecinə ötürülməsi ehtimalı ilə əlaqədar saxlanılıb.
Məlumata görə, Avropa İttifaqının Brüsseldəki diplomatik xidmətinin qərargahında aparılan axtarışlardan sonra Avropa diplomatiyasının keçmiş rəhbəri Federika Mogerini və diplomatik xidmətin keçmiş baş katibi Stefano Sannino saxlanılıb.
Musavat.com
