Musavat.com xəbər verir ki, məşhur “Bitva Ekstrasensov” şousunun 15 il aparıcısı olmuş illüzionist Sergey Safronov gizli qabiliyyətlər barədə sərt açıqlama ilə çıxış edib.
2020-ci ildə qalmaqaldan sonra layihəni tərk edən Safronov deyib ki, insanların fövqəltəbii güclərə malik olması — sadəcə mifdən ibarətdir.
Aparıcının sözlərinə görə, illər ərzində şouya qatılan yüzlərlə “ekstrasens”dən heç biri onun onkoloji xəstəliyini aşkar edə bilməyib. Bu isə Safronovun uzun müddətdir formalaşan şübhələrini daha da gücləndirib.
O əlavə edib ki, layihənin əvvəlindən bu cür iddialara skeptik yanaşıb və illərin təcrübəsi onun mövqeyini dəyişməyib: çünki fövqəltəbii qabiliyyətlərlə bağlı təqdim olunan heç bir nümunə real təsdiqini tapmayıb.
Musavat.com
