Çin Tayvan üzərində mümkün münaqişəyə hazırlıq məqsədilə mülki konteyner gəmisini ağır yüklü dron buraxılış sistemi ilə təchiz edib.
Musavat.com xarici mediaya istinadla xəbər verir ki. İnternet resurslarında dərc olunan şəkillərdə “Zhong Da 79” adlı gəminin göyərtəsində elektromaqnit katapult quraşdırılıb. Bu sistem döyüş missiyaları üçün nəzərdə tutulmuş ağır yüklü “Type-X CCA” dronlarının buraxılması üçün istifadə olunur.
Beləliklə, mülki gəmi effektiv şəkildə dronlar üçün təyyarə daşıyıcısı kimi fəaliyyət göstərə bilən mobil platformaya çevrilib. Mütəxəssislər qeyd edirlər ki, bu cür texnologiyalar ənənəvi döyüş gəmilərinə ehtiyac olmadan dəniz ərazilərində hava qüvvələrinin sürətli yerləşdirilməsi üçün istifadə edilə bilər.
Mülki gəmiləri hərbi platformalara çevirmək Çinə ixtisaslaşmış gəmilər donanmasını əhəmiyyətli dərəcədə genişləndirmədən hərbi potensialını artırmağa imkan verir. Bu, Tayvan ətrafında vəziyyətin gərginləşməsi halında əsas rol oynaya bilər.
Musavat.com
