Cənubi Koreyada məhkəmə ölkənin eks-prezidentinin həyat yoldaşı, Kim Kon-hini Birləşmə kilsəsindən bahalı hədiyyələr aldığına görə 20 ay həbs cəzasına məhkum edib.
Musavat.com xarici mediaya istinala xəbər verir ki, o, həmçinin 12,8 milyon von (9000 dollar) məbləğində pulu geri qaytarmalı olub.
53 yaşlı Kim Kon-hi 2022-ci ilin iyul ayında ondan biznes yardımları istəyən kilsə rəsmisindən “Chanel” çantası və “Graff” brilyant boyunbağısı almaqda günahkar bilinib. Lakin məhkəmə 2022-ci ilin aprel ayında eyni məmur tərəfindən Kimə verilən başqa bir “Chanel” çantasını rüşvət kimi tanımayıb.
Məhkəmə qərarında deyilir: "Təqsirləndirilən şəxs üstünlük qazanmaq üçün vəzifəsindən sui-istifadə edib. O, Birləşmə kilsəsinin tələblərinə cavab olaraq təqdim edilən bahalı lüks əşyalardan imtina edə bilməyib və öz imicini gözəlləşdirməyə diqqət yetirib".
Keçmiş birinci xanım həmçinin Cənubi Koreyada BMW dileri olan “Deutsch Motors” şirkətinin səhmlərinin qiymətini manipulyasiya etməkdə və siyasi fondlar qanununu pozmaqda da ittiham olunub. Lakin məhkəmə onu bəraət qazandırıb. Kim Kon-hi bütün ittihamları rədd edib.
Prokurorlar ona 15 illik həbs cəzası tələb etmişdilər və hökmdən apelyasiya şikayəti vermək niyyətində idilər.
Kim Kon-hinin əri, keçmiş prezident Yun Sok-yol daha əvvəl həyat yoldaşının həbsinə mane olmaq ittihamı ilə beş il həbs cəzasına məhkum edilib. Bu, keçmiş dövlət başçısının 2024-cü ilin dekabrında hərbi vəziyyət tətbiq etməsi ilə bağlı cinayət işində ilk məhkumluğudur.
Prokurorlar ona qiyam işi üzrə ölüm hökmü istəyiblər. Məhkəmənin qərarının 19 fevralda veriləcəyi gözlənilir.
“Yonhap” agentliyinin məlumatına görə, Kim Kon-hi və Yun Sok-yol Cənubi Koreyada cinayət törətməkdə ittiham olunan ilk keçmiş prezident cütlüyü olub.
Musavat.com
