Ermənistan KTMT-nin (Kollektiv Təhlükəsizlik Müqaviləsi Təşkilatı) müttəfiqi olub və olaraq qalır.
Musavat.com xəbər verir ki, bu barədə təşkilatın baş katibi İmanqali Tasmaqambetov erməni KİV-lərinə açıqlamasında bildirib.
Onun sözlərinə görə, KTMT Ermənistanın yaxın perspektivdə təşkilatın fəaliyyətində yenidən tamhüquqlu iştirakına ümid edir. Tasmaqambetov qeyd edib ki, bunun üçün bütün zəruri şərtlər və əsaslar mövcuddur:
“Biz ondan çıxış edirik ki, Ermənistan xalqı Avrasiya məkanında ümumi təhlükəsizlik sisteminin qurulmasında maraqlıdır”, – deyə o vurğulayıb.
KTMT baş katibi xatırladıb ki, Ermənistan XİN hələ noyabr ayında rəsmi şəkildə bəyan edib ki, respublikanın təşkilatdan çıxması məsələsi gündəmdə deyil. Bu açıqlama İrəvanın KTMT-dən tam ayrılmaq niyyətində olmadığını göstərir.
Eyni zamanda Tasmaqambetov etiraf edib ki, Ermənistan hazırda təşkilatdakı fəaliyyətini “pauza”ya qoyub. Onun sözlərinə görə, bu vəziyyət Ermənistanın mövcud siyasi rəhbərliyinin KTMT-yə münasibətdə indiki mövqeyini əks etdirir.
Musavat.com
