Rusiyalı şoumen Maksim Qalkin bir neçə gün əvvəl Bakıya gəlib.
Sənətçi konsert proqramında çıxış edib. Qalkin daha sonra şəhər gəzintisinə çıxıb. O, İçərişəhərdən fotolarını izləyiciləri ilə bölüşüb.
Qalkin paylaşımına “Təşəkkürlər, Bakı” qısa şərhini yazıb.
Xatırladaq ki, M.Qalkin 2022-ci ilin sentyabrında Rusiyanın “xarici agentlər” reyestrinə daxil edilib. Buna səbəb yumor ustasının sosial şəbəkə paylaşımlarında Rusiya siyasətini və Ukraynaya qarşı aparılan müharibəni pisləməsi olub. Bunun ardınca o, həyat yoldaşı Alla Puqaçova və övladları ilə birlikdə ölkəni tərk edib. (Axşam.az)
