Türkiyəli şoumen Mehmet Ali Erbilin şəxsi həyatı yenidən maqazin gündəminin mərkəzinə çevrilib. Onun özündən 48 yaş kiçik fenomen Eylem Çelik ilə münasibətdə olduğu iddiaları sosial şəbəkələrdə geniş müzakirə doğurub.
İddialara görə, bir müddət əvvəl Erbilin gənc fenomen Eylem Çelik ilə münasibətdə olduğu xəbərləri yayılıb. Lakin Çelik bu iddiaları təkzib edib və Erbili tanımadığını bildirib.
"Bu xəbərlər məni narahat edir. Tamamilə yalan məlumatlardır. Mehmet Ali Erbil ilə heç bir əlaqəmiz yoxdur", deyə Eylem Çelik sosial şəbəkədə açıqlama verib.
O, həmçinin bu cür yalan xəbərlərin davam etməsi halında hüquqi addım atacağını bildirib.
“Sabah” qəzetinin məlumatına görə, Mehmet Ali Erbil özü isə fərqli iddialar irəli sürüb. O, Eylem Çelik ilə sosial media vasitəsilə tanış olduqlarını, daha sonra bir restoranda görüşdüklərini və hətta Çelikin evinə getdiyini iddia edib.
Erbil bildirib ki, daha sonra birlikdə sosial media yayımı da ediblər. Onun sözlərinə görə, sonradan Çelikin verdiyi açıqlamalar reallığı əks etdirmir.
Şoumen həmçinin iddia edib ki, gənc fenomen məşhurluq qazanmaq üçün ondan istifadə edib: "Sonradan çıxıb məni tanımadığını dedi. Bu doğru deyil. Məni istifadə etdi".
Erbilin sözlərinə görə, görüşlər tək bir yeməklə məhdudlaşmayıb və Çelik onun evində saatlarla qalıb.
Qeyd edək ki, 69 yaşlı Mehmet Ali Erbilin 5 dəfə evli olub. Eylem Çelikin isə 21 yaşı var.//Demokrat.az
