Amerikalı aktyor Tommi Li Consun 34 yaşlı qızı Viktoriya Kaliforniyadakı bir oteldə ölü tapılıb.
Musavat.com xəbər verir ki, məlumatı TMZ portalı yayıb. Portalın məlumatına görə, hüquq-mühafizə orqanlarının əməkdaşları Viktoriyanın cəsədini 1 yanvar səhər tezdən San Fransisko otelində aşkar ediblər.
Polis portala bildirib ki, polislər Viktoriyanın cəsədinin tapılması barədə məlumatı aldıqdan sonra səhər saat 4:00 radələrində (Moskva vaxtı ilə təxminən saat 15:00) otelə gəliblər.
Hadisə yerinə məhkəmə eksperti gəlib, araşdırma başlayıb. Ölüm səbəbi hələ də məlum deyil.
Musavat.com
