Rusiya prezidenti Vladimir Putin Leninqrad vilayətinin qubernatoru Aleksandr Drozdenko ilə görüş keçirib. Görüşdə regionda müxtəlif sahələr üzrə planlaşdırılan layihələr müzakirə olunub.
Musavat.com xəbər verir ki, qubernator prezidentə hazırlanan proqramlar barədə məlumat verərək, xüsusilə pilotsuz uçuş aparatları (PUA) operatorlarının hazırlanmasına yönələn təlim təşəbbüsünü önə çəkib.
Məlumata görə, Drozdenko regionda bir neçə istiqamətdə layihələrin hazırlandığını bildirib və PUA operatorlarının yetişdirilməsi proqramının da bu planların tərkib hissəsi olduğunu qeyd edib. Görüş zamanı layihələrin icra mərhələsi və hazırlıq işləri ilə bağlı ümumi məlumatların təqdim edildiyi vurğulanır.
Musavat.com
