Rusiyanın Krasnodar diyarında yerləşən strateji neft obyekti pilotsuz uçuş aparatlarının (PUA) kütləvi hücumuna məruz qalıb.
Musavat.com xəbər verir ki, iyunun 6-sı səhər saatlarında rəsmi dairələrin də təsdiqlədiyi səs-küylü hadisə zamanı Krasnodarın Ust-Labinsk şəhərində yerləşən "Poltavskaya" neft bazası hədəf alınıb.
Dron zərbələrindən dərhal sonra neft bazasında dəhşətli partlayışlar baş verib və ərazi nəhəng alov bürüyüb. Verilən rəsmi məlumatlara görə, hazırda yanğının sahəsi təxminən 5.000 kvadratmetrə yaxın silsilə ərazini əhatə edir.
Hadisə yerinə çoxlu sayda xüsusi texnika və yanğınsöndürmə briqadaları cəlb olunsa da, alovun qarşısını almaq hələ də mümkün olmayıb. Hazırda partlayışların törətdiyi dağıntılar və xəsarət alanlar barədə məlumatlar dəqiqləşdirilir.
Musavat.com
