Yaponiya hökuməti 2026 maliyyə ili üçün (aprel 2026-da başlayır) 122,3 trilyon yen (təxminən 783 mlrd dollar) həcmində büdcə layihəsini təsdiqləyib.
Musavat.com xəbər verir ki, layihə ölkə tarixində ən yüksək müdafiə xərclərini də nəzərdə tutur: 8,8 trilyon yen (təxminən 56,3 mlrd dollar).
Hərbi büdcənin artırılması hökumətin müdafiə potensialını gücləndirmək və zərbə imkanları əldə etmək kursu çərçivəsində həyata keçirilir.
Baş nazir Sanae Takaiçi daha əvvəl müdafiə xərclərinin ÜDM-in 2 faizi səviyyəsinə 2027-ci ildən əvvəl çatdırılmasını hədəf kimi müəyyənləşdirib. Sosial təminat xərcləri tibbi xidmətlərin bahalaşması səbəbindən 39 trilyon yenə (təxminən 249,5 mlrd dollar) yüksələcək. Vergi daxilolmalarının 83,7 trilyon yenə (təxminən 535,5 mlrd dollar) çatacağı gözlənilir.
Büdcə layihəsinin 2026-cı ilin əvvəlində parlamentə təqdim edilməsi planlaşdırılır.
Musavat.com
