Yolda gənc cütlüyün qarşılarına çıxan nəhəng ilan maraqlı anlara səbəb olub.
Musavat.com xəbər verir ki, sevgilisi avtomobildən düşməyə cəsarət etməsə də, qız ilanı çılpaq əlləri ilə tutaraq təhlükəsiz yerə aparıb.
Sosial şəbəkələrdə yayılan görüntülər qısa zamanda viral olub və minlərlə insan tərəfindən izlənilib.
Hadisə kimsəsiz yolda baş verib. Cütlük yolun ortasında uzanmış böyük ilanı görərək avtomobili saxlayıb. İlanın ölçüsündən qorxan oğlan maşından düşməyib.
Lakin gənc qadın tərəddüd etmədən avtomobildən enib. O, ilana yaxınlaşaraq sürünəni ehtiyatla qaldırıb və yolun kənarındakı otluq əraziyə aparıb. Beləliklə, ilan avtomobillərin altında qalmaq təhlükəsindən xilas edilib.
Görüntülər sosial şəbəkələrdə geniş müzakirələrə səbəb olub. İstifadəçilər qadının cəsarətini tərifləyib, sevgilisi ilə bağlı isə zarafatlar ediblər.
Musavat.com
