Türkiyənin tanınmış aktyoru Emre Törün 53 yaşında dünyasını dəyişib.
Milli.Az türkiyə mətbuatına istinadla xəbər verir ki, o, uzun müddətdir müalicə aldığı mədəaltı vəzi xərçəngi səbəbilə həyatını itirib.
Emre Törün bir müddət əvvəl mədəaltı vəzi xərçənginə qalib gəlmişdi. Lakin xəstəlik son zamanlar onun qaraciyərinə yayılıb və aktyorun səhhəti sürətlə pisləşib.
Qeyd edək ki, Emre Törün sənət karyerası boyunca bir çox məşhur layihədə rol alıb. O, son olaraq "Hudutsuz Sevda" serialında canlandırdığı Şeref obrazı ilə tamaşaçıların yaddaşında qalıb.
