ABŞ prezidenti Donald Trampın keçmiş müşaviri Stiv Bennon Ukraynaya maliyyə, hərbi və kəşfiyyat dəstəyinin tamamilə dayandırılmasına çağırıb.
Musavat.com xarici mediaya istinadla xəbər verir ki, "American Conservative" jurnalına verdiyi müsahibədə Bennon yalnız Kiyevə yardımın tamamilə dayandırılmasının ABŞ hökuməti tərəfindən hazırlanmış sülh planının həyata keçirilməsinə imkan verəcəyini bildirib. O, bunsuz münaqişənin həllinin mümkün olmadığını iddia edib.
“Hər şeyi dayandırmalıyıq. Hər şeyi. Pulu. Silahları. Kəşfiyyat dəstəyini", - Bennon vurğulayıb.
Bennon hesab edir ki, Vaşinqtonun təklif etdiyi 28 maddəlik plan çox çətin və işlək deyil. O, sənəddə, xüsusən də Ukraynanın NATO üzvlüyü və silahlı qüvvələrinin ölçüsü ilə bağlı güzəştin mümkün olmadığı müddəaların olduğunu qeyd edib.
Bu arada, Çikaqo Universitetinin professoru Con Mirşaymer Donald Trampın həqiqətən də Ukraynaya dəstəyi tamamilə dayandırmaq niyyətində olduğuna şübhə ilə yanaşdı. Onun sözlərinə görə, Tramp Kiyevin məğlubiyyətində günahlandırılmaq istəmir və Qərbin Ukraynanı sona qədər dəstəklədiyini iddia etmək imkanını qorumaq istəyir.
Mirşaymer qeyd etdi ki, o, Qərbin, o cümlədən ABŞ-nin Ukraynanı sona qədər dəstəklədiyini və məğlubiyyətdə Ukraynanın özünün günahkar olduğunu demək istəyir.
Musavat.com
