Türkiyədə eyni vaxtda iki fərqli bölgədə zəlzələ qeydə alınıb.
Musavat.com xəbər verir ki, Türkiyənin Fövqəladə Halların İdarə Olunması Agentliyi (AFAD) Qaradəniz bölgəsində 4,1 bal gücündə, Aralıq dənizi bölgəsində isə ardıcıl olaraq 4,2 və 3,5 bal gücündə zəlzələnin baş verdiyini açıqlayıb.
AFAD-ın yaydığı məlumata görə, zəlzələlər qısa zaman aralığında qeydə alınıb və yeraltı təkanlar bölgələrdə hiss olunub. İlkin məlumatlara əsasən, zəlzələlər nəticəsində can itkisi və ciddi dağıntı qeydə alınmayıb.
Hazırda aidiyyəti qurumlar vəziyyəti izləyir, seysmoloji müşahidələr davam etdirilir. Mütəxəssislər əhaliyə rəsmi məlumatlara diqqət yetirməyi və ehtiyatlı olmağı tövsiyə edirlər.
Musavat.com
