Türkiyəli aktrisa Pınar Altuğ şəxsi həyatı ilə bağlı diqqət çəkən etiraf edib. Sənətçi həyat yoldaşı Yağmur Atacan ilə evlilik qərarlarının arxasında uşaqlı ailə qurmaq istəyi dayandığını açıqlayıb.
Aktrisa bildirib ki, evlənmək qərarı romantik jestdən çox, ortaq planın nəticəsi olub. Onun sözlərinə görə, həyat yoldaşı münasibətlərinin rəsmi müstəviyə keçməsini və övlad sahibi olmağı təklif edib. Aktrisa qeyd edib ki, “biz uşaq sahibi olmaq üçün evləndik” ifadəsi onların qərarını ən dəqiq şəkildə izah edir.
Məlumata görə, cütlük ailə qurduqdan sonra qısa müddət ərzində valideyn olub. Altuğ daha əvvəl də müsahibələrində ana olmağın həyatında ən önəmli dönüş nöqtəsi olduğunu vurğulamışdı.
Sosial şəbəkələrdə geniş müzakirə olunan açıqlama Türkiyə mediasında da gündəm yaradıb. İzləyicilərin bir qismi aktrisanın səmimiliyini yüksək qiymətləndirib, digərləri isə bu cür etirafların şəxsi həyatın mahiyyətini dəyişdirmədiyini bildirib.
.
Qeyd edək ki, Pınar Altuğ 1974-cü ildə, Yağmur Atacan isə 1980-ci ildə doğulub. Yəni aralarındakı yaş fərqi 6 ildir.//Demokrat.az
