Türkiyənin Mədəniyyət və Turizm Nazirliyi ölkənin tarixi, mədəni və təbii zənginliklərini dünyaya tanıtmaq məqsədilə mini serial əsaslı yeni tanıtım strategiyasını ictimaiyyətə təqdim edib.
Musavat.com xəbər verir ki, mədəniyyət və turizm naziri Mehmet Nuri Ersoy layihəni “milli formanı geyinmək” bənzətməsi ilə izah edərkən, toplantıda onunla yanaşı əyləşən aktrisa Sinem Ünsalın qısa müddət sonra oturuşunu düzəltməsi diqqət çəkib.
Belə ki, tanıtım mərasimində “Uzak şehir” serialında “Alya” obrazını canlandıran Sinem Ünsal nazir Mehmet Nuri Ersoy ilə yanaşı əyləşib. Naziri qarşıladıqdan sonra ayağını ayağının üstünə aşırıb oturan aktrisa qısa müddət sonra oturuşunu düzəldib. Bu görüntü isə gözlərdən yayınmayıb.
Musavat.com
