Yaxın Şərqdə çoxdandır gözlənilən sülh və barışıq prosesi ilə bağlı Tehrandan növbəti səs-küylü bəyanat gəlib.
Musavat.com xəbər verir ki, İran İslam Respublikası Səudiyyə Ərəbistanı ilə Yəmənin "Ənsar Allah" (husilər) hərəkatı arasında illərdir davam edən qanlı və dağıdıcı münaqişənin tamamilə nizamlanması üçün rəsmən vasitəçi olmağa hazır olduğunu elan edib.
Bu sensasion təkliflə ölkənin xarici işlər naziri Abbas Arakçi "İran" qəzetinə verdiyi geniş müsahibədə çıxış edib.
Nazir bəyan edib ki, rəsmi Tehran regionda sabitliyin bərqərar olması üçün konstruktiv rol oynamağa tamamilə hazırdır və Səudiyyə Ərəbistanındakı tərəfdaşlar da artıq bu niyyətdən rəsmən xəbərdardırlar.
Ekspertlər hesab edirlər ki, İranın bu addımı Yaxın Şərqdəki hərbi-siyasi balansları kökündən dəyişə bilər.
Musavat.com
