Ukrayna Prezidenti Volodimir Zelenski ABŞ-nin sabiq prezidenti Donald Trampla planlaşdırılan görüşdən öncə “Berlin formatı”na daxil olan Avropa ölkələrinin liderləri ilə Ukraynanın sülh planını müzakirə edib.
Musavat.com xəbər verir ki, Zelenskinin sözlərinə görə, söhbət 20 maddədən ibarət sənəddən gedir. Bu maddələrə Ukraynanın ərazi məsələləri ilə bağlı mövqeyi, Zaporojye Atom Elektrik Stansiyasının taleyi, maliyyələşmə və müharibədən sonrakı bərpa məsələləri daxildir. Prezident bildirib ki, Avropa liderləri ilə aparılan danışıqlardan sonra Ukrayna artıq bu gün 100 milyard dollar həcmində maliyyə vəsaiti əldə edəcək.
Zelenski qeyd edib ki, sənəd təxminən 90 faiz hazırdır. Əsas iş ABŞ ilə ikitərəfli formatda aparılıb, Avropa tərəfdaşları isə hələlik planın bütün detalları ilə tanış deyillər. Bununla yanaşı, danışıqlara cəlb ediləcək Avropa liderlərinin dairəsinin genişləndirilməsi də müzakirə olunub.
Ukrayna Prezidenti vurğulayıb ki, Trampla görüşdə əsas mövzular təhlükəsizlik zəmanətləri, müharibənin başa çatma müddəti və iqtisadi məsələlər olacaq. Onun sözlərinə görə, təhlükəsizlik zəmanətləri müharibənin bitməsi ilə paralel şəkildə müzakirə edilməlidir ki, Rusiyanın yenidən aqressiyaya əl atması riski istisna edilsin.
Zelenski ayrıca bildirib ki, dondurulmuş Rusiya aktivləri Ukraynanın bərpası üçün kifayət etmir və bu səbəbdən maliyyələşmə məsələsi sülh danışıqlarının əsas mövzularından biri olacaq.
Musavat.com
