ABŞ-nin yeni milli müdafiə strategiyasında Rusiyanın Avropa hegemonluğuna can ata bilməyəcəyini və NATO ölkələrinin iqtisadiyyat və əhali baxımından ondan üstün olduğu bildirilir.
Musavat.com xarici mediaya istinadla xəbər verir ki, Pentaqon tərəfindən dərc edilən sənəddə Moskva alyansın şərq üzvləri üçün "davamlı, lakin idarəolunan təhdid" kimi təsvir olunur. Həmçinin, Avropa NATO ölkələrinin iqtisadi göstəricilər və əhali baxımından əhəmiyyətli üstünlüklərə malik olduğu vurğulanır ki, bu da onların gizli hərbi potensialını müəyyən edir.
Strategiyaya əsasən, Vaşinqtonun NATO müttəfiqləri qitənin təhlükəsizliyinin təmin edilməsində aparıcı rol oynamaq üçün yaxşı mövqedədirlər. ABŞ kritik, lakin daha məhdud yardım göstərməyə hazırdır.
Yeni 34 səhifəlik sənəd vurğusunu 2022-ci il strategiyası ilə müqayisədə dəyişir. Çin əvvəllər əsas müdafiə prioriteti kimi göstərilsə də, Pentaqon indi Pekini "qarşıdurma deyil, güc yolu ilə" çəkindirməyə çağırır.
Strategiya həmçinin ABŞ-nin əsas ərazilərə - Panama kanalına, Amerika körfəzinə və Qrenlandiyaya hərbi və kommersiya girişinə zəmanət verməsini tələb edir.
Musavat.com
