ABŞ Hərbi Hava Qüvvələrinin nüvə silahının aşkarlanması üçün istifadə olunan "WC-135R Constant Phoenix" təyyarəsi Vaşinqton və Tehranın münasibətlərində artan gərginlik fonunda Böyük Britaniyaya çatıb.
Musavat.com xəbər verir ki, bu barədə "The Telegraph" qəzeti mənbələrinə istinadən məlumat yayıb.
Məlumatda bildirilir ki, “nüvə detektoru” təyyarəsi Britaniyanın şərqində yerləşən Mildenhall hərbi bazasına eniş edib.
Qeyd olunur ki, təyyarə radioaktiv hissəcikləri aşkar etmək üçün istifadə olunur və adətən nüvə təhlükəsizliyi ilə bağlı fəaliyyətlərdə iştirak edir.
Musavat.com
