Ötən gün Milli Elmlər Akademiyasında Rəyasət Heyətinin iclası keçirildi. Gözlənilirdi ki, məhz bu iclasda Ramiz Mehdiyevin akademiyanın üzvlüyündən çıxarılması məsələsinə baxılacaq və konkret qərar veriləcək. Cəmiyyətin diqqəti də əsasən bu məqama yönəlmişdi. Lakin gözlənilən baş vermədi, bununla bağlı heç bir qərar açıqlanmadı.
Əvəzində isə ictimai müzakirələrin mərkəzinə başqa görüntülər düşdü. İclas zalında alimlərin mürgüləməsi, yatması ilə bağlı fotolar yayıldı və bu sosial şəbəkələrdə geniş rezonans doğurdu, toplantıdan yadda qalan əsas bu mənzərə oldu.
Bəs bu mənzərəyə görə alimləri qınamaq olarmı? Həqiqətənmi Azərbaycan elmi alimlərlə birlikdə “yatır”?
TV Musavat-ın əməkdaşları bu sualla Bakı sakinlərinə müraciət edib, onların rəyini öyrənib.
Hazırladığımız videosorğunu təqdim edirik:
Xalidə Gəray
Rafət Şahbazov
Musavat.com
