ABŞ Ali Məhkəməsi prezident Donald Trampın doğum hüququ ilə vətəndaşlığı məhdudlaşdıran sərəncamının qanuniliyini nəzərdən keçirəcək.
Musavat.com xəbər verir ki, bu, məhkəmənin açıqlamasında əksini tapıb. Açıqlamaya görə, məhkəmə Trampın icra sərəncamının konstitusiyaya uyğunluğunu nəzərdən keçirmək tələbini qəbul edib. Bu iş üzrə dinləmə tarixi hələ təyin edilməyib.
Politico-nun məlumatına görə, məhkəmə prosesi, ehtimal ki, 2026-cı ilin aprelində başlayacaq. Hökmün iyunun sonuna qədər çıxarılması gözlənilir.
İyul ayında Kaliforniyanın San-Fransisko şəhərindəki apelyasiya məhkəməsi Trampın doğum hüququ ilə vətəndaşlığı məhdudlaşdıran icra sərəncamını konstitusiyaya zidd hesab edərək ləğvinə qərar verib. Aşağı məhkəmələr əvvəllər bu sərəncamı bir neçə dəfə bloklayıblar, lakin iyunun sonunda Ali Məhkəmə onu qüvvədə saxladı.
Tramp 20 yanvar andiçmə mərasimindən sonra doğum hüququ ilə vətəndaşlığı məhdudlaşdıran icra sərəncamını imzalayıb. Bu sərəncam, dövlət qurumlarına uşağın doğulduğu zaman ABŞ-da qanunsuz olaraq olan valideynlərin uşaqlarına vətəndaşlıq verməyi qadağan edir. Doğum hüququ ilə vətəndaşlığı müəyyən edən Konstitusiya Düzəlişi Amerika Vətəndaş Müharibəsindən (1861-1865) sonra qəbul edilib və 1857-ci ildə Ali Məhkəmənin afroamerikalıların vətəndaşlığını rədd edən qərarını ləğv edib.
Musavat.com
