Xəbər verdiyimiz kimi, "Bakı Metropoliteni" QSC-nin bütün stansiyalarında sərnişinlərin girişinə müvəqqəti məhdudiyyət tətbiq edilib. Buna səbəb bu gün saat 12:10 radələrində "Ulduz–Nərimanov" mənzilində təmas relsinə yüksək gərginliyin verilməsində nasazlığın yaranması olub. Hazırda sərnişinlərin ünvana çatdırılmasında çətinlik yaranıb.
Azərbaycan Yerüstü Nəqliyyat Agentliyindən Musavat.com-a bildirilib ki, metro xətləri üzrə olan bütün şəhərdaxili marşrutlara əlavə avtobusların cəlb olunması həyata keçirilir:
"Daşıyıcılara xətlərə əlavə və ehtiyat nəqliyyat vasitələrinin buraxılması ilə bağlı tapşırıq verilib. Prosesə nəzarət olunur".
Şahanə Rəhimli
Musavat.com






