Hazırda Moskvada yaşayan Suriyanın sabiq prezidenti Bəşər Əsəd peşə ixtisası olan oftalmologiya (göz həkimliyi) sahəsi ilə məşğul olmağa çalışır.
Musavat.com xəbər verir ki, bu barədə "The Guardian" nəşri xəbər yayıb. Xəbərdə deyilir ki, Əsəd Rusiyanın paytaxtında sakit bir həyat sürür və öz əvvəlki ixtisası olan oftalmologiya üzrə təhsili yeniləmək və işləmək üçün dərslər alır.
Qeyd edək ki, Bəşər Əsəd 2024-cü ilin dekabrında Suriya prezidentliyindən devrilib və Rusiyaya qaçıb, Moskvaya sığınıb.
Onun Moskvada siyasi və ictimai fəaliyyətə qarışması məhdudlaşdırılıb.
Etibar Seyidağa,
Musavat.com
