Böyük Britaniya hökuməti büdcəsini artırmaq üçün səfirlik binaları da daxil olmaqla, xaricdəki əmlakını satmaq niyyətindədir.
Musavat.com xəbər verir ki, bu barədə “Politico” qəzeti hökumət sənədlərinə istinadla xəbər yayıb.
Hesabatda qeyd olunur ki, ölkənin xarici ölkələrdə ümumi dəyəri 2,5 milyard funt sterlinq (3,3 milyard dollar) olan 6500 əmlakı var. Hökumət "azad ediləcək aktivlər" tapmaq üçün onların istifadəsini "rasionallaşdırmaq" niyyətindədir. Bu təşəbbüsün bir hissəsi olaraq, hökumət artıq lazımsız hesab etdiyi əmlakları, məsələn, səfirlik binalarını və diplomatik mənzilləri satmağı planlaşdırır. Nəşr qeyd edir ki, bu əmlakların yüzlərləsi ciddi şəkildə yararsız vəziyyətə düşüb.
Sənədlərdə xüsusilə "Nyu-York kimi yüksək dəyərli yerlərdə" əmlakların satışından bəhs olunur. Nəşr təklif edir ki, satışa çıxarılan obyektlər arasında Britaniya hakimiyyətinin 2019-cu ildə Nyu-Yorkun mərkəzində diplomatlar üçün aldığı 12 milyon funt sterlinq (təxminən 15,9 milyon dollar) dəyərində yeddi otaqlı mənzil də ola bilər.
Musavat.com
