Avropa İttifaqı (Aİ) sülh müqaviləsində Ukraynanın birliyə üzvlüyünü təsbit etmək üçün bir neçə variantı araşdırır.
Musavat.com xəbər verir ki, məlumatı "Bloomberg" mənbələrə istinadən yayıb.
Mənbələrə görə, Avropa ölkələri Ukraynaya Avropa İttifaqının bəzi tamhüquqlu üzvünün hüquqlarına dərhal çıxış imkanı verməyi nəzərdən keçirirlər. Qeyd olunur ki, Aİ həmçinin Ukraynanın rəsmi üzvlük proseduruna riayət etmək üçün yerinə yetirməli olduğu şərtlərlə bağlı dəqiq bir müddət müəyyən etmək niyyətindədir.
Agentliyin yazdığına görə, Aİ potensial gələcək sülh müqaviləsində Ukraynanın Aİ üzvlüyünə namizəd yolunu davam etdirməsini təklif etməklə və ya keçid dövrü tətbiq etməklə ölkənin tədricən inteqrasiyaya cəlb olunacağını şərtləndirməklə özünü məhdudlaşdıra bilər.
Daha əvvəl Britaniyanın "Financial Times" qəzeti mənbələrə istinadən xəbər vermişdi ki, ABŞ tərəfindən təqdim edilən Ukrayna sülh müqaviləsi ölkənin 1 yanvar 2027-ci ilə qədər Avropa Birliyinə qoşulmasını nəzərdə tutur. "Financial Times" qəzeti qeyd etmişdi ki, Brüssel Kiyevin istəklərini dəstəkləyir, baxmayaraq ki, belə bir sürətli qəbul Aİ-yə qoşulma prosedurlarının yenidən yazılması demək olardı. Ukrayna prezidenti Vladimir Zelenski də ölkənin 2027-ci ildə birliyə qoşulacağını gözlədiyini bildirmişdi.
Musavat.com
