Dmitri Medvedevin oğlu İlya Medvedev Vahid Rusiya partiyasında yeni posta təyin olunub. Məlumata görə, o, partiyanın innovasiya və texnoloji inkişaf üzrə şurasında katib vəzifəsini tutacaq.
Musavat.com xəbər verir ki, RBC-nin mənbəsi İlya Medvedevin şuranın işini əlaqələndirəcəyini və “məzmun və ideya gündəliyini” kurasiya edəcəyini bildirib.
Verilən informasiyaya əsasən, İlya Medvedevin 30 yaşı var. O, 2022-ci ildə Vahid Rusiyaya qoşulub və həmin vaxtdan partiya layihələrində iştirak edib.
Qeyd olunur ki, 2023-cü ildə o, “Ya v Rossii” portalının koordinatorlarından biri olub. Bu portalın məqsədi isə Ukraynanın işğal altında olan bölgələrində yaşayanlara dövlət xidmətlərinin göstərilməsinə “dəstək” kimi təqdim edilib.
Eyni məlumatda bildirilir ki, Dmitri Medvedev TASS və Reuters-ə müsahibəsində Rusiyanın hərbi qələbəsinin artıq “göründüyünü” iddia edib, Volodimir Zelenski barədə isə sərt ifadələr işlədib.
Musavat.com
