Qlobal hərbi analiz təşkilatı Global Firepower 2026-cı il üzrə dünyanın ən güclü xüsusi təyinatlı qüvvələrinin reytinqini açıqlayıb. Hesabatda müxtəlif ölkələrin elit hərbi birlikləri əməliyyat təcrübəsi, terrorla mübarizə qabiliyyəti, qeyri-ənənəvi müharibə bacarıqları və hazırlıq səviyyəsinə görə qiymətləndirilib.
Musavat.com xəbər verir ki, məlumata görə, Türkiyənin “Bordo berelilər” kimi tanınan Xüsusi Qüvvələr Komandanlığı siyahıda 4-cü yeri tutub. Hesabatda bu birliyin çətin coğrafi şəraitdə fəaliyyət göstərmək bacarığı, sərhəddənkənar əməliyyatlarda qazandığı təcrübə və yüksək çevikliyi xüsusi vurğulanıb.
Global Firepower ekspertləri bildiriblər ki, reytinq hazırlanarkən yalnız nəzəri hazırlıq deyil, həm də real əməliyyatlarda əldə olunan nəticələr və texnoloji imkanlar nəzərə alınıb. Müasir dövrdə xüsusi təyinatlı qüvvələrin orduların strateji gücündə həlledici rol oynadığı qeyd olunub.
2026-cı il reytinqinə əsasən ilk onluq belə sıralanıb:
ABŞ – Navy SEALs və Delta Force
Böyük Britaniya – SAS və SBS
Rusiya – Spetsnaz
Türkiyə – Bordo berelilər
İsrail – Shayetet 13
Fransa – GIGN
Kanada – JTF2
Almaniya – GSG 9
Hindistan – NSG (Qara Pişiklər)
Avstraliya – SASR
Hesabatda qeyd olunur ki, “Bordo berelilər” xüsusilə terrorla mübarizə, girovların xilas edilməsi və mürəkkəb əməliyyatların icrası sahəsindəki təcrübələri ilə bir çox tanınmış xüsusi təyinatlı birliyi geridə qoymağı bacarıb.
Bununla belə, bu cür reytinqlərin müxtəlif analitik qurumların metodologiyasına əsaslandığını və hərbi qüvvələrin real imkanlarının dəqiq ölçülməsinin çətin olduğunu da qeyd etmək lazımdır.
Musavat.com
