Ötən həftə ABŞ-a səfər etmiş İraq Baş naziri Əli əl-Zeydi dünən Tehrana atəşkəs təklifi təqdim edib, lakin təklif rədd edilib.
Musavat.com xəbər verir ki, məlumatı The New York Times qəzeti mənbələrə istinadən yayıb: "İran cümə axşamı günü ABŞ Prezidenti Donald Trampın İraq Baş naziri tərəfindən Tehrana təqdim edilən atəşkəs təklifini rədd edib".
Əl-Zeydi dünən İrana səfər edib; ötən həftənin əvvəlində o, Trampla Ağ Evdə görüşüb. Nəşr qeyd edir ki, təklif olunan atəşkəs təklifinin təfərrüatları məlum deyil: "Lakin İran rəsmiləri bunun masada olan yeganə təklif olduğunu və hökumətlərinin Hörmüz boğazına nəzarəti həll olunmamış qoyacaq müvəqqəti razılaşmada maraqlı olmadığını bildiriblər".
İran mediasının məlumatına görə, İraq Baş naziri cümə axşamı yüksək vəzifəli məmurlardan ibarət nümayəndə heyəti ilə Tehrana uçub. O, Prezident Məsud Pezeşkian, Parlamentin sədri Məhəmməd Bağır Qalibaf və xarici işlər naziri Abbas Əraqçi ilə görüşüb.
Dünən SEPAH ABŞ-ın hərbi arsenalını doldurmaq üçün istifadə edə biləcəyi atəşkəslərə artıq icazə verməyəcəyini bildirib.
Axios da vasitəçilərin İrana və ABŞ-a atəşkəs təklifi göndərdiyini bildirib. İran Xarici İşlər Nazirliyinin sözçüsü İbrahim Bəqayi də vasitəçilərin Tehrana vəziyyəti sabitləşdirmək üçün yeni təkliflər göndərdiyini təsdiqləyib.
Musavat.com
