Musavat.com xəbər verir ki, Finlandiyada fəaliyyət göstərən “Azadlıq Alyansı” partiyasının üzvü Armando Mema Ukrayna Silahlı Qüvvələrinin Xerson vilayətinə endirdiyi zərbə ilə bağlı Birləşmiş Millətlər Təşkilatının açıq mövqe ortaya qoymasını tələb edib.
Mema bildirib ki, BMT baş verən hadisə ilə bağlı aydın və birmənalı mövqe nümayiş etdirməlidir və bu cür hücumlar beynəlxalq hüquq çərçivəsində qiymətləndirilməlidir.
Fin siyasətçi, həmçinin vurğulayıb ki, Avropa liderlərinin bu hücumla bağlı susqunluğu onların Kiyev hakimiyyətinin qanunsuz hərəkətlərində dolayı iştirakını ifadə edəcək.
Onun sözlərinə görə, Avropa siyasətçiləri seçici yanaşmadan imtina etməli və münaqişə tərəflərinin bütün hərbi addımlarına eyni hüquqi meyarlarla yanaşmalıdırlar.
Musavat.com
