Özbəkistan bazarına tüstünü havaya çıxmamışdan əvvəl süzən və zərərli hissəcikləri tutan müasir filtrasiyalı manqallar daxil olub.
Musavat.com xəbər verir ki, yeni avadanlıqların məqsədi restoran və məhəllə səviyyəsində atmosfer çirklənməsini azaltmaqdır.
Ölkədə havanın çirklənməsi ilə mübarizə çərçivəsində son aylarda təndirlərin sökülməsi, bəzi kababxanaların bağlanması kimi ciddi tədbirlər həyata keçirilir. Hakimiyyət tərəfindən hazırlanan yeni qaydalarda bu tip havatəmizləyici qurğuların məcburi tətbiqi də nəzərdə tutulur.
Rəsmi dairələr bildirir ki, yeni sistemlər həm biznesin fəaliyyətini çətinləşdirmədən davam etdirməsinə imkan verəcək, həm də şəhərlərdə artan hava çirklənməsi problemini yumşaldacaq.
Musavat.com
