ABŞ Miqrasiya və Gömrük Mühafizəsi Xidməti (ICE) ölkə tarixinin ən böyük cinayət işlərindən biri ilə bağlı ciddi səhvə yol verib.
Musavat.com xəbər verir ki, 2022-ci ildə inkassator yük maşınına edilən və təxminən 100 milyon dollar dəyərində zinət əşyaları, qızıl və elit saatların oğurlandığı məşhur soyğunçuluq işi üzrə şübhəli bilinən meksikalı Xeson Nelon Presilya Flores məhkəməyə çıxarılmadan ABŞ-dən deportasiya olunub.
Məlumata görə, Flores 2025-ci ilin yayında saxlanılsa da, iş məhkəmə mərhələsinə çatmayıb. 2025-ci ilin dekabrında ICE onun “könüllü ölkəni tərk etmə” müraciətini təsdiqləyib və bu barədə prokurorluğu məlumatlandırmadan onu ölkədən çıxarıb. Nəticədə əsas şübhəli Ekvadora göndərilib.
Hazırda, 2026-cı ilin yanvarına olan məlumata əsasən, oğurlanan qiymətli əşyaların böyük hissəsi hələ də tapılmayıb. İstintaq orqanları bildirir ki, dəyərlərin yenidən satılması və ya əridilməsi ehtimalı onların geri qaytarılmasını xeyli çətinləşdirir.
Müdafiə tərəfi bu səhvi əsas gətirərək işin tam bağlanmasını tələb edir. Prokurorluq isə bildirir ki, Flores ABŞ ərazisinə yenidən daxil olacağı təqdirdə cinayət təqibi dərhal bərpa edilə bilər.
Musavat.com
