İran ABŞ-ın Səudiyyə Ərəbistanındakı səfirliyinə iki dronla hücum edib.
Musavat.com CNN-ə istinadən xəbər verir ki, hücum gecə olduğuna görə səfirlikdə heç kim olmayıb.
Səudiyyə Ərəbistanı hakimiyyəti öz növbəsində ABŞ səfirliyinə endirilən zərbələri təsdiqləyib.
Səudiyyə Ərəbistanı Müdafiə Nazirliyi X sosial media platformasında verdiyi açıqlamada bildirib: "İlkin qiymətləndirmələrə görə, Ər-Riyaddakı ABŞ səfirliyinə iki pilotsuz uçuş aparatı hücum edib və nəticədə məhdud yanğın baş verib, binaya kiçik ziyan dəyib".
Daha əvvəl bir neçə media orqanı Ər-Riyadın diplomatik məhəlləsində güclü partlayışların eşidildiyini və tüstü buludlarının göründüyünü bildirib.
Bazar və bazar ertəsi günləri İranın Küveytdəki Amerika səfirliyinə zərbə endirdiyi də bildirilib.
Amerika prezidenti Donald Tramp ABŞ-ın Ər-Riyaddakı səfirliyə edilən hücuma cavab verəcəyini deyib. Bu barədə NewsNation jurnalisti Kelli Meyer X hesabında məlumat verib: "Mən indicə Prezident Trampla danışdım və o dedi ki, Ər-Riyaddakı ABŞ səfirliyinə hücuma və Amerika qoşunlarının öldürülməsinə cavabın necə olacağını tezliklə biləcəksiniz .O, həmçinin mənə dedi ki, İrana qoşun göndərməyə ehtiyac yoxdur".
Musavat.com
