İranın Sistan və Belucistan əyalətində İslam İnqilabı Keşikçiləri Korpusunun (KSIR) Ümumi Quru Qoşunlarına aid üç üzv silahlı döyüşçülərlə qarşıdurmada öldürülüb.
Musavat.com xəbər verir ki, hadisə Zahidan şəhəri yaxınlığında baş verib və ərazinin Pakistan və Əfqanıstanla sərhəd olması bölgənin təhlükəsizlik vəziyyətini daha da gərginləşdirir.
İran mediasının məlumatına görə, öldürülən əsgərlər sərhəd təhlükəsizliyini təmin etmək məqsədilə missiya üzərində idilər. Təhlükəsizlik qüvvələrinin döyüşçülərin təqibinə başladığı və əməliyyatın davam etdiyi bildirilir.
İran hökumətinin açıqlamasına görə, döyüşçülərdən bəziləri ərazilərdən qaçmağa müvəffəq olub, lakin onların təqibi intensiv şəkildə davam edir. Bu, Sistan və Belucistan bölgəsindəki təhlükəsizlik təhdidlərinin davam etdiyini və silahlı qrupların hələ də aktiv olduqlarını göstərir.
Musavat.com
