"Düz, dürüst ol, sənətini bil, peşənin ustası ol, bütün qapılar üzünə açılacaq".
Bu sözləri Xalq artisti Nürəddin Mehdixanlı "İncə səhər" verilişində deyib. Aktyor sənətdəki istedadlı insanlardan danışıb:
"İstedadlı insanlar abırlı olurlar. İstedadsızlar isə abırsızdır. Bu gün istedadlılar meydana çıxdıqca, istedadsızlar acıqlanır və daha çox səs salırlar. Biz özümüzü dünyaya mədəniyyət quran dövlət kimi təqdim etməliyik. Dünya getdikcə aqressivləşir, müharibəyə meyilli olur. Halbuki bu dünyanın yolu sevgidən, mərhəmətdən keçir".
