Kremlin təbliğatçısı Marqarita Simonyan bildirib ki, Ukrayna Silahlı Qüvvələrinin Krasnodar diyarına hücumu səbəbindən uşaqları pilləkənlərin altında yatmağa məcburdur.
Musavat.com xəbər verir ki, Simonyan "Telegram" kanalında yazıb:
"Doğma Krasnodar diyarım bütün gecə dronlarla bombardman edildi. Beş uşağım hələ də pilləkənlərin altındakı dəhlizdə bir-birinə qısılıb yatır və yuxusuz pişiklər onların üzərində xalça kimi gəzir".
O, həmçinin rayon sakinlərinə yardım təklif edib. Maraqlıdır ki, Simonyan bu yardımı artıq vəfat etmiş Tiqran Keosayanla birlikdə “təşkil etmək” niyyətində olduğunu vurğulayıb.
Xatırladaq ki, təbliğatçı Simonyanın özü xərçəng xəstəliyindən əziyyət çəkir və müalicə olunur.
Musavat.com
