Sankt-Peterburqda məşhur, uzun illər istintaq təcridxanası kimi fəaliyyət göstərmiş “Krestı” SİZO-sunun genişmiqyaslı yenidənqurma layihəsi təqdim olunub.
Musavat.com xəbər verir ki, şəhər rəhbərliyi artıq layihənin əsas restavrasiya mərhələlərini təsdiqləyib.
Planlaşdırılan transformasiya nəticəsində keçmiş “Krestı” istintaq təcridxanasının ərazisində aşağıdakı obyektlər yaradılacaq:
Multimedia muzeyi – “Krestı”
İki hotel
Qastronomiya küçəsi
Piyada bulvarı - art-obyektlər və xatirə zonaları ilə
Ərazinin tamamı piyada məkanına çevriləcək, kompleksin mərkəzində isə dəyişməz olaraq Aleksandr Nevski kilsəsi qalacaq.
“Krestı” ümumilikdə 29 binadan və 6 sahədən ibarət olan böyük tarixi kompleksdir. Ötən əsrdə burada bir çox görkəmli şəxslər saxlanılıb: Lev Trotski, İosif Brodski və Anna Axmatovanın oğlu Lev Qumilyov.
Layihə Rusiyada ən diqqətçəkən tarixi məkan çevrilmələrindən biri kimi qiymətləndirilir.
Musavat.com
