Beynəlxalq Cinayət Məhkəməsinin (BCM) Roma Statutuna Tərəf Dövlətlər Assambleyasının Bürosu prokuror Kərim Xanın vəzifəsindən kənarlaşdırılması barədə qərar qəbul edib.
Musavat.com xəbər verir ki, məlumat Məhkəmənin bəyanatında yer alıb.
Bildirilir ki, ona qarşı cinsi təcavüz iddiaları ilə bağlı intizam icraatı qərarı verilənə qədər Kərim Xan vəzifəsini icra edə bilməyəcək.
Qərarın dərhal qüvvəyə mindiyi qeyd olunur. Büro həmçinin intizam icraatını BCM-ə Tərəf Dövlətlər Assambleyasına göndərib və məsələni nəzərdən keçirmək üçün "mümkün qədər tez" xüsusi iclas çağırmaq qərarına gəlib. Prokurorun vəzifədən kənarlaşdırılmasının onun işi üzrə yekun qərarı əvvəlcədən müəyyən etmədiyi vurğulanır. Qərarın BMT Daxili Nəzarət Xidmətləri Ofisi tərəfindən aparılan istintaq hesabatı, təqdim olunan dəlillər, məhkəmə ekspertiza qrupunun nəticələri və tərəflərin yazılı təqdimatları əsasında verildiyi aydınlaşdırılır. Qərarın və ona əlavə edilmiş sənədlərin məzmunu açıqlanmır.
2025-ci ilin may ayında Xanın inzibati məzuniyyətə çıxacağı və 2024-cü ilin oktyabr ayında qaldırılan cinsi təcavüz iddiaları ilə bağlı istintaq zamanı xidmət etməyəcəyi açıqlanıb. Avqust ayında The Guardian qəzeti başqa bir qadının 2009-cu ilə aid cinsi təcavüz iddiaları barədə Beynəlxalq Cinayət Məhkəməsinə məlumat verdiyini yazıb. O vaxt o, 20 yaşlarının əvvəllərində idi və Xanın ofisində ödənişsiz təcrübəçi kimi çalışırdı. Ofis Beynəlxalq Cinayət Məhkəməsində və Haaqadakı digər tribunallarda baş müdafiəçi kimi çalışmışdı.
Musavat.com
