Xalq şairi Nəriman Həsənzadə müalicə aldığı Mərkəzi Klinik Xəstəxanadan evə buraxılıb.
Bu barədə APA-ya Xalq şairinin köməkçisi Arif Mehmandost məlumat verib.
"Həftədə bir dəfə dializ olunacaq. Bundan əlavə, evdə mütəmadi olaraq həkim müayinə edəcək", - deyə Xalq şairinin köməkçisi bildirib.
Qeyd edək ki, Nəriman Həsənzadə böyrəklərində yaranan problemlərlə əlaqədar olaraq bir müddət əvvəl xəstəxanaya yerləşdirilmişdi.
