18 yanvar tarixində Oğlaq bürcündə baş verəcək Yeni Ay, qarışıq düşüncələrin aydınlaşmasına, öncəliklərin müəyyənləşməsinə diqqət çəkir. Oğlaqın real, disiplinli və uzunmüddətli baxışı bu dövrdə niyyətləri daha konkret hədəflərə çevirməyə yardımçı olur. 2026-cı ilin ilk göy fazı olan bu Yeni Ay, strateji planlaşdırma, sabit qərarlar və davamlı addımlar üçün olduqca əlverişlidir. Bu mərhələdə böyük cəhddən çox, kiçik amma təsiri qalıcı addımların atılması önə çıxır.
Musavat.com bürclər üçün Yeni Ay proqnozunu təqdim edir:
Qoç (21 Mart – 19 Aprel)
Bu dövr sizə peşəkar imic və karyera mövzusunda görünürlük gətirir. Hədəfləriniz hələ də böyük ola bilər, ancaq bu dəfə onları necə yerləşdirdiyiniz daha önəmlidir. Enerjinizi fokuslamaq və məqsədə doğru daha bilinçli addımlar atmaq faydalı olacaq.
Buğa (20 Aprel – 20 May)
Yeni Ay, gələcək planlarınızın daha aydın formalaşmasına xidmət edir. Təhsil, uzaq əlaqələr və uzunmüddətli hədəflər gündəmdədir. Arzularınızı konkret qərarlarla dəstəkləmək üçün ideal dövrdür. Sevgi həyatında güvən və açıq ünsiyyət daha çox vacib olacaq.
Əkizlər (21 May – 20 İyun)
Bu Yeni Ay zehni qarışıqlığı azaltma və düşüncələri səliqəyə salma ehtiyacı yaradır. Nəzarəti tam itirmədən temkinli və düşünülmüş addımlar atmaq, keçmişdə sizi sıxan məsələləri arxada qoymaq üçün yaxşı fürsətdir.
Xərçəng (21 İyun – 22 İyul)
Bu dövrdə münasibətlərdə düzgün tarazlıq qurmaq önə çıxır. Şəxsi sərhədlər daha aydın müəyyənləşir və özünüzü ifadə etmə ehtiyacı artır. Mantıq və duyğular arasında balans tapmaq üçün intuisiya sizə istiqamət verə bilər.
Şir (23 İyul – 22 Avqust)
Yeni Ay, gündəlik rutin və iş disiplinini sadələşdirməyə dəvət edir. Zaman idarəsi və məhsuldarlıq əsas mövzulardır. Kiçik dəyişikliklər uzun müddətdə böyük təsir göstərə bilər.
Qız (23 Avqust – 22 Sentyabr)
Bu dövr yaratıcı enerji ilə məhsuldarlığı birləşdirir. Sevdiyiniz sahədə daha ciddi addımlar atmaq üçün mükəmməl zamandır. Zövq və məsuliyyət arasında balans quraraq irəliləyə bilərsiniz.
Tərəzi (23 Sentyabr – 22 Oktyabr)
Eviniz və şəxsi məkanınızla bağlı məsələlər gündəmdədir. Yaşadığınız mühitin təşkili daxili sükunətinizə də müsbət təsir edəcək. Aidiyyət hissi bu dövrdə önə çıxır.
Əqrəb (23 Oktyabr – 21 Noyabr)
Bu mərhələdə ünsiyyətiniz daha aydın və konkret olur. Düşüncələrinizi ifadə edərkən söz seçiminə diqqət yetirmək, ani reaksiyalardan çəkinmək işləri daha effektiv edəcək.
Oxatan (22 Noyabr – 21 Dekabr)
Yeni Ay maddi məsələlərdə daha düşüncəli yanaşma tələb edir. Xərclər və gəlir planlamasını daha davamlı yollarla tənzimləmək, uzunmüddətli etibarlı qərarlar üçün vacibdir.
Oğlaq (22 Dekabr – 19 Yanvar)
Yeni Ay sizin üçün yenidən mövqe seçmə və qərarlarınızı möhkəmləndirmə dövrüdür. Özünüzü daha aydın ifadə edə, disiplinlə azadlıq enerjisini birləşdirərək hədəflərinizə sürətlə yaxınlaşa bilərsiniz.
Dolça (20 Yanvar – 18 Fevral)
Bu dövr daxili balansınızı yenidən nəzərdən keçirmək üçün əlverişlidir. Zəhərli və enerji sarsıdan münasibətlərdən uzaqlaşmaq, keçmiş yüklərdən xilas olmaq üçün zəmin formalaşır. Bu, geri çəkilmək deyil — planları yenidən tərtib etmək üçün vacib bir mərhələdir.
Balıq (19 Fevral – 20 Mart)
Gələcək planlarınız daha sabit və reallaşan formaya doğru irəliləyir. Bu dövr düşüncələri praktiki addımlarla reallığa çevirmək üçün bir keçid fazasıdır və yeni imkanlar qapını açır.
Könül, Musavat.com
