İlk yayın vaxtı 22:12
Musavat.com xəbər verir ki, UEFA Çempionlar Liqasının III təsnifat mərhələsinin ilk oyunu çərçivəsində "Qarabağ" səfərdə Şimali Makedoniyanın "Şkendiya" klubunu 1:0 hesabı ilə məğlub edib.
"Todor Proeski" stadionunda keçirilən qarşılaşmada yeganə qol 18-ci dəqiqədə penalti zərbəsindən Toral Bayramov tərəfindən vurulub. Penalti isə Leandro Andradeya qarşı kobud oyuna görə təyin olunub.
Qarşılaşmanın cavab oyunu avqustun 12-də Bakıdakı Tofiq Bəhramov adına Respublika stadionunda keçiriləcək. Oyun saat 20:00-da start götürəcək. İki görüşün nəticəsinə əsasən qalib gələn komanda pley-off mərhələsində Bolqarıstanın "Ludoqorets" və Macarıstanın "Ferentsvaroş" komandaları arasında keçiriləcək cütün qalibi ilə qarşılaşacaq.
***
“Qarabağ” səfərdə üstünlüyü ələ aldı – Bayramovdan erkən qol
UEFA Çempionlar Liqasının III təsnifat mərhələsi çərçivəsində keçirilən “Şkendiya” (Şimali Makedoniya) – “Qarabağ” oyunu start götürüb və hesab artıq açılıb.
Musavat.com xəbər verir ki, Skopyedə yerləşən “Todor Proeski” stadionunda baş tutan qarşılaşmaya slovakiyalı baş hakim İvan Krujlyak rəhbərlik edir.
Matçın 18-ci dəqiqəsində Ağdam təmsilçisi penalti zərbəsi ilə hesabda önə keçib. “Qarabağ”ın heyətində Toral Bayramov dəqiq zərbə ilə komandasını irəli çıxarıb.
Musavat.com
