Polşa sakini Damian Kasprşik iki saatdan çox qarda tamamilə basdırılaraq yeni dünya rekordu qırıb.
Musavat.com xarici mediaya istinadla xəbər verir ki, onun nailiyyəti rəsmi olaraq Ginnesin Dünya Rekordları Kitabına daxil edilib.
Kasprşik 2 saat 12 dəqiqə və 12 saniyə ərzində qarla birbaşa təmasda olub, əvvəlki dünya rekordunu keçib və bir insanın qar yığınında keçirdiyi ən uzun müddətin yeni rekordçusu olub.
Bu, ekstremal idmançının belə bir rekord qırdığı ilk hal deyil. O, əvvəllər buzda 5 saat 1 dəqiqə və 33 saniyə keçirərək başqa bir soyuq sınaq üçün Ginnesin Dünya Rekordları Kitabına düşüb.
Kasprşikin sözlərinə görə, kişilər arasında ən uzun müddət buzlu suda qalma üzrə dünya rekorduna sahib olan məşhur Polşa idmançısı Valerian Romanovski ona yeni rekorda hazırlaşmağa kömək edib.
Rekordçu qeyd edib ki, müəllimi onun həm fiziki, həm də psixoloji hazırlığında mühüm rol oynayıb. O bildirib ki, xüsusi təlim olmadan həddindən artıq aşağı temperaturlara tab gətirmək praktik olaraq mümkün deyil.
Musavat.com
