MS (Multipl Skleroz) xəstəliyi ilə uzun müddətdir mübarizə aparan məşhur türkiyəli müğənni Serdar Ortaç son konsertində səhnəyə çıxarkən çətin anlar yaşayıb. Səhnəyə köməkçilərin dəstəyi ilə çıxan sənətçinin çətinliklə yeriməsi sosial şəbəkələrdə narahatlıq yaradıb.
Milli.Az xəbər verir ki, müğənninin konsert zamanı yorğunluğu və addımlarındakı qeyri-sabitlik kameralara əks olunub.
Hazırda müğənninin vəziyyəti ilə bağlı rəsmi açıqlama verilməyib.
Serdar Ortaç illərdir MS xəstəliyinin yaratdığı əzələ zəifliyi, balans pozuntusu və yorğunluq kimi simptomlarla mübarizə aparır. Müğənni daha əvvəl verdiyi açıqlamalarda müalicəsini davam etdirdiyini bildirmişdi.
