Türkiyə hərbi və strateji təsirini ənənəvi Qərb ittifaqlarından kənara çıxarmağa çalışaraq, Səudiyyə Ərəbistanı ilə Pakistan arasında müdafiə ittifaqına qoşulmağa çalışır.
Musavat.com xəbər verir ki, bu barədə "Bloomberg" mənbələrə istinadən məlumat yayıb.
Məlumata görə, Ankara Ər-Riyad və İslamabad arasında imzalanan və təhlükəsizlik təhdidləri halında daha dərin müdafiə əməkdaşlığını və qarşılıqlı dəstəyi nəzərdə tutan müqaviləyə qoşulmağı düşünür.
Bu addım Türkiyənin Qərb müttəfiqləri ilə çətin münasibətlər fonunda təhlükəsizlik tərəfdaşlıqlarını şaxələndirmək və əsas müsəlman ölkələri ilə əlaqələrini gücləndirmək üçün daha geniş strategiyasını əks etdirir.
Səudiyyə Ərəbistanı və Pakistan uzun müddətdir ki, təlim, kəşfiyyat paylaşımı və silah əməkdaşlığı da daxil olmaqla sıx hərbi əməkdaşlıq saxlayırlar. Türkiyənin potensial üzvlüyü alyansın müdafiə qabiliyyətlərini gücləndirə və ona əlavə geosiyasi təsir göstərə bilər.
Məsələ ilə bağlı heç bir rəsmi şərh verilməyib.
Musavat.com
