Musavat.com xəbər verir ki, Rusiyanın Ufa şəhərində məhkəmə 16 uşağı oğurlayıb qəddar rəftara məruz qoyan iki xarici vətəndaşı mühakimə edib. Təqsirləndirilən şəxslər 11 və 6 il müddətinə koloniyada azadlıqdan məhrum edilib.
İstintaqın materiallarında bildirilir ki, həmin şəxslər “təhsil və yaşayış xidməti” təklif edərək valideynlərdən pul alıb, uşaqları isə ağır şərtlər altında saxlamaqla onları küçəyə çıxmağa belə qoymayıblar. Qeyri-insani davranışa görə cəzalandırılma üsullarına döymə və fiziki işgəncə də daxil olub.
Cinayət işi o zaman üzə çıxıb ki, uşaqlardan biri fürsət taparaq qaçıb və yaxınlıqdakı mağazaya girib kömək istəyib. Hadisə yerinə çağırılan hüquq-mühafizə orqanları digər uşaqları da xilas ediblər.
Məhkəmənin hökmü artıq qüvvəyə minib.
Musavat.com
