"Vaşinqton Post" qəzetinin rəhbərliyi genişmiqyaslı ixtisarlar elan edib və qəzet maliyyə problemləri səbəbindən işçilərinin təxminən üçdə birini işdən çıxaracaq.
Musavat.com xarici mediaya istinadla xəbər verir ki, milyarder Ceff Bezosa məxsus nəşr redaksiya heyəti arasında kütləvi ixtisarlar planlaşdırır. "Nyu-York Tayms" qəzetinin məlumatına görə, ixtisarlar idman, regional və xarici xəbər şöbələrinə təsir edəcək.
İxtisarlar bütün işçilərin təxminən 30%-ni təşkil edir. Bu ixtisarlara biznes sahələrində çalışanlar və redaksiya şöbəsindəki 800 jurnalistdən 300-dən çoxu daxildir.
Baş redaktor Mett Murrey işçilərlə görüşdə qərarı uzunmüddətli maliyyə itkiləri ilə əlaqələndirib. O bildirib ki, qəzet auditoriyanın tələblərini ödəyə bilmir.
Musavat.com
