ABŞ-ın İranla bağlı atəşkəs təşəbbüsü və bölgədəki son hadisələr barədə yeni məlumatlar yayılıb. Musavat.com xəbər verir ki, İsrailin “Yedioth Ahronoth” nəşri Vaşinqtonun vasitəçi üzərindən Tehrana atəşkəs təklif etdiyini, lakin İranın bu təşəbbüsü rədd etdiyini bildirib.
Məlumata görə, təklif artan hərbi gərginlik fonunda irəli sürülüb. Tehran tərəfinin imtina səbəbləri barədə rəsmi açıqlama verilməyib.
Eyni zamanda ABŞ Mərkəzi Komandanlığı İrana qarşı keçirilən əməliyyat zamanı üç amerikalı hərbçinin həlak olduğunu açıqlayıb. Hadisənin detalları və itkilərin başvermə şəraiti barədə əlavə məlumat verilməyib.
Digər məlumatda isə İranda ibtidai məktəbə endirilən zərbə nəticəsində ölənlərin sayının 153 nəfərə çatdığı bildirilir. Ölənlərin əksəriyyətinin uşaqlar olduğu vurğulanır. Hadisə beynəlxalq səviyyədə ciddi narahatlıq doğurub.
Musavat.com
