Bakı–Tiflis qatar reysi ilə səfər edəcək sərnişinlərdən minik zamanı biletlə yanaşı bir sıra sənədlərin təqdim olunması tələb edilir.
Bu barədə Musavat.com-a "Azərbaycan Dəmir Yolları" QSC-dən məlumat verilib.
Qaydalar aşağıdakı kimidir:
Ümumvətəndaş pasportunun əsli (mygov platformasından əldə olunan rəqəmsal versiya keçərli deyil)
Gürcüstan tərəfinin tələblərinə uyğun sağlamlıq sığortası
5 yaşadək uşaqlar üçün adına rəsmiləşdirilmiş pulsuz bilet
Bir valideynlə səfər edən uşaqlar üçün digər valideynin, valideynsiz səfər edən uşaqlar üçün isə hər iki valideynin notarial qaydada təsdiqlənmiş etibarnaməsi
Sərnişinlərdən sənədləri əvvəlcədən hazır etmələri və özləri ilə gətirmələri xahiş olunur.
Qeyd edək ki, Bakı–Tiflis qatarı bu gün saat 23:10-da ilk reysini həyata keçirəcək.
